Alamat

 Ano ang ALAMAT?

  Ang alamat ay isang uri ng panitikan na nagkukuwento tungkol sa mga pinagmulan ng mga bagay-bagay sa daigdig. Ito ay mga kwento ng mga mahiwagang pangyayari na nagpasalin-salin sa bibig ng mga taong-bayan kaya't walang nagmamay-ari o masasabing may akda ito. Ang alamat ay kuwento na kathang isip lamang na kinasasangkutan ng kababalaghan o 'di pagkaraniwang pangyayari na naganap noong unang panahon.

  Ang alamat ay karaniwang tumatalakay sa mga katutubong kultura, kaugalian o
kapaligiran. Eto ay tumatalakay din sa mga katangiang maganda, tulad ng
pagiging matapat, matapang, matulungin, at sa mga katangiang hindi maganda
tulad ng pagiging mapaghiganti, masakim, o mapanumpa, Nguni't sa bandang huli
ang kuwento ay kinapupulutan ng aral para sa ikabubuti ng iba. Ito ay sumasalamin sa kultura ng bayang pinagmulan nito.

  Sapagkat ang alamat ay karaniwang nagsimula noong unang panahon at nagpasalin- salin na sa maraming henerasyon, ang alamat ay pinaniniwalaan ng
maraming tao na tutoong naganap dahil sa tagal ng pamamayani nito sa ating
panitikan o sa ating kultura.

  Ang mga alamat ay nagkakaroon ng iba't-ibang bersiyon ayon na rin sa hangarin ng
sumulat o nagpalaganap ng ibang bersiyon ng alamat. Eto ay maaaring sa hangarin
na isanobela, isadula o isa-pelikula ang isang alamat.

  Halimbawa ang isang bersiyon ng alamat ni Bernardo Carpio ay sinasabing sadyang
pinalaganap ng mga Kastila upang mapigilan ang namumuong himagsikan ng mga
Pilipino laban sa mga mananakop.

  Ibang bersiyon naman ang pinalalaganap ng ibang mga magulang sa hangaring ang
kanilang mga anak ay huwag matakot kapag lumilindol sapagkat eto ay likha lamang
ni Bernardo tuwing nagtatangkang kumawala sa nag-uumpugang bato.

  Bagama't maraming bersiyon ang alamat, ang mga eto ay nagkakaisa sa
paglalarawan kay Bernardo na isang matipuno at makisig na lalaki. Ang pagkakaiba
ng iba't ibang bersiyon ay ang pagtalakay kung bakit, papaano, at sino ang naging
sanhi ng kanyang pagkaipit sa nag-uumpugang mga bato.

  Katumbas nito ang legend sa Ingles na mula naman sa salitang latin na Legendus. Sangay ng panitikang ambag ng ating mga ninuno bago pa man dumating ang mga kastila.


Mga halimbawa ng alamat:

Alamat ng Amapalya
Alamat ng Antipolo
Alamat ng Aso
Alamat ng Banahaw
Alamat ng Bayabas
Alamat ng Binangonan
Alamat ng Bulkan Kanlaon
Alamat ng Bulkan Mayon
Alamat ng Bulkan Pinatubo
Alamat ng Bulkan Taal
Alamat ng Butiki
Alamat ng Buwaya
Alamat ng Cainta
Alamat ng Durian
Alamat ng Gagamba
Alamat ng Gapan
Alamat ng Ilang-Ilang
Alamat ng Kamatsile
Alamat ng Kasoy
Alamat ng Lansones
Alamat ng Makahiya
Alamat ng Makopa
Alamat ng Matsing
Alamat ng Niyog
Alamat ng Olongapo
Alamat ng Pagong
Alamat ng Pakwan
Alamat ng Panay
Alamat ng Paro-Paro
Alamat ng Pinya
Alamat ng Saging
Alamat ng Sampalok
Alamat ng Tandang
Alamat ng Bundok Banahaw
Alamat ng Bundok Arayat
Alamat ng Mindanao
Alamat ng Ilog Pasig
Alamat ng Hagdan-Hagdan Palayan
Alamat ng Sampaguita
Alamat ng Rosas
Alamat ng Palay
Alamat ng Kawayan
Alamat ng Alagaw
Alamat ng Ilang-Ilang
Alamat ng Chocolate Hills
Alamat ng Pinagmulan ng Daigdig